Objekti kryesor i aktivitetit të Shoqërisë Albgaz Sh.a. është të ofrojë gaz natyror nëpërmjet rrjetit të transmetimit, shpërndarjes, depozitimit dhe të impiantit të gazit natyror. Shoqëria realizon objektin e veprimtarisë së saj sipas Ligjit nr. 102/2015, "Për Sektorin e Gazit Natyror", më konkretisht:
•
Kryerja e veprimtarive të nevojshme dhe të drejtpërdrejta të lidhura me operimin dhe funksionimin e rrjetit të transmetimit, rrjetit të shpërndarjes, hapësirave të depozitimit në përputhje me legjislacionin në fuqi.
•
Zhvillimin e rrjetit të transmetimit, të shpërndarjes, të depozitimit dhe impianteve të gazit natyror sipas planeve financiare të aprovuara në përputhje me perspektivat e zhvillimit ekonomik, politikave kombëtare, rajonale dhe planeve kombëtare të aprovuara nga qeveria e Republikës së Shqipërisë apo Komunitetit të Energjisë.
•
Propozimin, zhvillimin dhe adaptimin e kodit të rrjetit të transmetimit, të shpërndarjes, të depozitimit dhe impianteve të gazit natyror.
•
Dhënies së aksesit pa diskriminim tek të gjithë operatorët e licencuar sipas legjislacionit në fuqi.
•
Balancon rrjetin e transmetimit, të shpërndarjes, të depozitimit dhe të impianteve të gazit natyror.
•
Shërbime të tjera për klientët, që janë të nevojshme për të përmbushur detyrimet ndaj tyre në përputhje me legjislacionin në fuqi.
![logo](https://albgaz.al/wp-content/uploads/2020/10/albgaz_logo.png"){kind=logo}